ڕێنمایی نووسەر

• ڕێنمایی نوسین
• فۆرمات و پێکهاتەی دەستنووس: تکایە بە وردی پێداچوونەوە بەم بەشەدا بکە ، بۆ ئەوەی کێشە لەگەڵ پێواژۆی پێشکەش کردنەکەتاندا ڕوونەدات . ئەو پێشکەشکردنانەی کە بە کەمترین هەڵە بە شێوەیەکی دروست ئامادەکراون و پابەندبوون بۆ فۆرمات و شێوازی دروستەوە ، ئەگەری زیاتریان هەیە ، کە پەیوەندییەکی کارا و خێراتر مسۆگەر بکەن بۆ بڵاوکردنەوەی لێکۆڵینەوەکە .
• جۆری فایل: دەستنووسەکەت لە یەک فایلدا ئامادە بکە، کە دەقی دەستنووسەکە و کۆی زانیاریی و ژمارە یان خشتەکانی تێدا بێت، تەنها لە شێوەی فایلی مایکرۆسۆفت وۆرد (MS Word) دا توێژینەوەکە وەردەگرێت.
• شێواز و فۆرماتی نووسین: پێویستە لەو فایلیەی دەسنووسەکەی تێدایە پەیڕەوی ئەم خاڵانەی خوارەوە بکرێت:
  • نێوان ڕستەکان دوو دووریی بەجێهڵرابێت (Double-spaced)
  • فۆنتی بەکارهاتوو پێویستە تایمزو نیو ڕۆمانیبێت (Times New Roman)
  • قەبارەی فۆنت دەبێت 12 بێت
  • پەراوێزی ٢،٥سم لە هەموو لایەکەوە بەجێ هێڵرابێت
  • ژمارەی دێڕەکانی یەک لە دوای یەک دەبێت لە دەستنووسەکەدا جێگیر بکرێن
  • سەردێڕی بەشەکان بە خەتێکی تۆخ و بە دێڕێکی جیا نووسرا بێت
  • پێویستە سەردێڕی لاوەکی و بەشە لاوەکییەکان ناونیشانێکی کورتیان هەبێت و بە ئیتاڵیک بنووسرێن و لە دێڕێکی جیاوازدا دابنرێن
  • باشتر وایە نووسەران بەشە لاوەکییەکان کورت بکەنەوە
  • تکادەکەین ژمارەی سەردێڕ و سەردێڕی لاوەکی بەو شێوازەی خوارەوە دابڕێژرێت:

سەردێڕ

1 سەردێڕی لاوەکیی

• سەردێڕی لاوەکیتر

• زمانی توێژینەوە: توێژینەوەکان دەبێت بە شێوەیەکی ئاکەدیمی ڕوون نووسرابێت کە بۆ تێگەیشتن ئاسان بێت. دەکرێت توێژینەوەکان بە زمانێن کوردی ، عەرەبی و ئینگلیزی نووسرابن. بۆ ئەو نووسەرانەی کە زمانی بەکارهاتوو لە توێژینەوکەیاندا زمانی ڕەسەنی خۆی نییە، پێشنیار دەکرێت کە ئاخێوەرێکی ئەم زمانە ڕەسەنانە بەر لە پێشکەش کردنی توێژینەوەکە، پێداچوونەوەی زمانەوانیی بۆ کارەکەی ئەنجام بدەن.
• درێژیی توێژینەوە: درێژی پەسەندکراو بۆ دەستنووسەکان ڕەنگە جیاواز بێت بەپێ ی جۆری کاغەزەکە، وەک لە سیاسەتی درێژاییدا هاتووە.
• ناونیشان: تکایە با نونیشانی توژینەوەکات پوخت و ڕەنگدانەوەی ناوەڕۆکی بابەتەکەت بێت.
• ناوی گشت نووسەرو شوێنی کار و ژمارەی ناساندنی ORCID دەبێت بە دروستی و لەسەر یەک دێڕ بنووسرێن.
• نووسەری نێرەر: نووسەری نێرەر بە ڕوونی و بە ئەستێرە (*) پێش ناوی نووسەر ئاماژەی پێ بکرێت. تەنها ئیمەیڵی توێژەری نێرەر لە دوای ناونیشانی ئەندامانی دیکەی نووسەرانی توێژینەوەکە بنووسە.
• پێکهاتەی دەستنووسەکە دەبێت بریتی بێت لە:
• پوختە: پوختەی دەستنووسەکە پێویستە لە ٣٥٠ وشە زیاتر نەبێت، کورتە باسێک لە ڕێبازی لێکۆڵینەوە (میتۆدۆلۆژیا)، ئەنجامە سەرەکییەکان و کورتەی دەرئەنجامی توێژینەوە لە یەک پەرەگرافدا بنووسرێت. نابێت هیچ سەرچاوەیەک لە پوختەکەدا ئاماژەی پێ بکرێت. پێویستە نووسەر خۆی لە کورتکراوەی نائاسایی یان نامۆ بە دووربگرێت، بەڵام ئەگەر پێویست بوو، بۆ یەکەمجار لە پوختەدا پێناسە بکرێت و دواتر کورتکراوەکە بەکاربێنێت.
• وشەکلیل (Keywords): لانیکەم سێ وشە بێت و لە شەش وشە زیاتر نەبێت، گوزارشت لە ناوەڕۆکی توێژینەوەکە بکات. هەر وشەکلیلێک لەسەر هەمان دێڕ بە فاریزە (،) جیا بکریتەوە.
• پێشەکیی: پێداچوونەوەیەکی کورت بە کارو توێژینەوە پەیوەندیدارەکانی پێشووتردا بکریت و لە بڕگەی کۆتاییدا بە ڕوونی ئامانجەکانی توێژینەوەکە بخرێنەڕوو.
• ڕێبازی لێکۆڵینەوە: تکایە ئەو ڕێبازانەی لە لێکۆڵینەوەکەدا بەکارهێنراون، ڕوون بکەنەوە و وردەکارییەکان بخەنە ڕوو. پێویستە رێبازە بەکاربراوەکان یان ناسراوەکان بە دروستی ئاماژەیان پێ بکرێت و هەر گۆڕانکارییەکیش ڕوویدا بێت، پێویستە ئاماژەی پێ بکرێت .
• ئەنجامەکان: پێویستە بە شێوازێکی ڕوون و پوخت ئەنجامی کارەکانت و گرنگییان ڕوون بکرێتەوە. کۆی زانیاریی و خشتە و ژمارەکان بەکاربهێنە بۆ پێشکەشکردنی ئەنجامەکان و بەرزکردنەوەی ئاستی تێگەیشتن لێیان.
• گفتوگۆ: پەسنی بایەخی ئەنجامەکان و پێوستییان و کاریگەرییەکان بدرێت. لە هەمان کاتتدا دەکرێت ئەنجام و گفتوگۆکان لێک بدرێن یان بە جیا بمێننەوە.
• ئەنجام: پێویستە لێکۆڵەران ئەنجامێک دابڕێژن کە لێکدانەوەی ئەنجامەکان کورت بکاتەوە و شیکاریی و ڕوونکردنەوەو پێشنیارەکان لەخۆ بگرێت. دوور بکەوەرەوە لە دووبارەکردنەوەی ئەو خاڵانەی پێشتر باسمان کردن.
• ناکۆکی بەرژەوەندی (Conflict of Interest): پێویستە هەر ناکۆکییەکی بەرژەوەندی بە شێوەیەکی گونجاو ئاشکرا بکرێت.
• سوپاسنامە: بە کورتی لە یەک پەرەگرافدا سوپاسی هەموو سەرچاوەی دارایی یان بەشداربووانی کارەکە بکرێت.
• ڕاگەیاندنی AIی دروستکەر لە نووسینی زانستیدا: بەکارهێنانی AI یان تەکنەلۆژیای یارمەتیدەری AI دەبێت ئاشکرا بکرێت.
• سەرچاوەکان: بەرپرسیارێتی نووسەرە کە دڵنیابێت لە دروستیی و وردی هەموو سەرچاوە وەرگیراوەکان، جێبەجێکردنی ئەو ڕێنماییانەی کە پێویست و داواکراوە لەلایەن گۆڤارەکەوە. دڵنیابەرەوە لەوەی هەر سەرچاوەیەک کە لە دەقەکەدا ئاماژەی پێکراوە لە هەمان کاتدا لە لیستی سەرچاوەکاندا ئاماژەی پێکرابێت و بە پێچەوانەشەوە. شێوازی سەرچاوە و وەرگێڕانەکانیش، پێویستە پابەندبن بە سیستەمی هارڤارد.
• خشتە و پاشکۆکان: پێویستە هەموو خشتە و پاشکۆکان لە لاپەڕەی جیاوازدا لە دوای بەشی سەرچاوەدا ڕیز بکرێن. پێویستە پلەبەندی ئەو ژمارانەی بۆیان دادەنرێت، هاوشێوەبێت لەگەڵ ناوەڕۆکی دەقەکەدا ئەماژەیان بۆ کراوە.
• شێوەکان (فیگەر): پێویستە وێنەکان لەسەر لاپەڕەی جیاوازی توێژینەوەکە لە دوای بەشی سەرچاوەدا دابنرێن. مەرجە بەو پلە بەندییە ژمارەیان پێ بدرێت کە لە دەقەکەدا ئاماژەیان پێدراوە. وێنەی سکانکراو یان دیجیتاڵی پێویستە ڕوونییەکی بەرزی هەبێت کە لانیکەم ٣٠٠ dpi بێت. هەر وێنەیەک دەبێت لە خوارەوە دێڕێک بۆ ڕوونکردنەوەی نووسرا بێت، دواتریش تێبینی وێنەکان دابنرێت.
• دوای وەرگرتنی ڕەزامەندی: ئەگەر لێکۆڵینەوەکەت بۆ بڵاوکردنەوە وەرگیرا، ئەوا ئیمەیڵی ئاگادارکردنەوەت پێ دەگات کە بڕیارەکە و نامەی وەرگرتنەکەی لەگەڵدایە. پاشان تیمی بەڕێوەبردنی گۆڤاری ژێدەر لێکۆڵینەوەکەت ئامادە دەکات بۆ چاپکردن. ئێمە بە درێژایی پێواژۆی بڵاوکردنەوەکە پشتگیریتان دەکەین و یارمەتیدەرتان دەبین، تاوەکو ئەزموونێکی ئەرێنی لە گۆڤارەکەماندا مسۆگەر بکەین.

ئێمە چاوەڕوانی توێژینەوە و ڕۆڵی ئێوەین لە پێشخستنی زانیاری ئاکەدیمی و بەشدارییە بەنرخەکانتان.